തിരുവനന്തപുരം മെഡിക്കൽ കോളജിലെ സീനിയർ റസിഡൻറ്റ് ആത്മഹത്യ ചെയ്തു. ഗൈനക്കോളജി വിഭാഗത്തിലെ സീനിയർ റസിഡൻറ് നാഗർകോവിൽ സ്വദേശിനിയായ ഡോക്ടർ ആർ അനസൂയയാണ് മരിച്ചത്. എലിവിഷം കഴിച്ചതാണ് മരണകാരണം. ഇന്നലെയാണ് വിഷം കഴിച്ച നിലയിൽ അനസൂയയെ ഭർത്താവ് ആശുപത്രിയിൽ എത്തിക്കുന്നത്. അർദ്ധരാത്രിയോടെ മരിക്കുകയായിരുന്നു. ഭർത്താവിനും കുട്ടിക്കും ഒപ്പം മെഡിക്കൽ കോളജിന് സമീപം പുതുപ്പള്ളി ലൈനിൽ വാടകയ്ക്ക് താമസിക്കുകയായിരുന്നു അനസൂയ. കഴിഞ്ഞ 3 വർഷമായി തിരുവനന്തപുരം മെഡിക്കൽ കോളജിൽ ജോലി ചെയ്തു വരികയും പഠിക്കുകയും ചെയ്യുകയായിരുന്നു ഇവർ. ഇന്ന് പോസ്റ്റ്മോർട്ടം നടപടികൾ പൂർത്തിയാക്കി മൃതദേഹം നാഗർകോവിലേക്ക് കൊണ്ടുപോയി. അസ്വാഭാവിക മരണത്തിന് മെഡിക്കൽ കോളജ് പൊലീസ് കേസെടുത്തിട്ടുണ്ട്.
തിരുവനന്തപുരം മെഡിക്കൽ കോളജിലെ സീനിയർ റസിഡൻറ്റ് ആത്മഹത്യ ചെയ്തു.
